Во пожар во куќа во кавадаречкото село Ваташа денеска изгоре поткровјето од станбениот објект лоциран на улицата „Страшо Пинџур“.
Пожарот е локализиран, но причините и предизвиканите штети се уште се утврдуваат, информира Илчо Богевски, командир на територијалната противпожарна единица од Кавадарци.
– Веднаш интервениравме на гаснење на пожарот со две возила и тројца пожарникари. На помош ни дојдоа и по едно возило и по двајца пожарникари од “Фени индустри”, “Кожувчанка” и подружницата на Македонски шуми, “Бор” од Кавадарци, изјави Богевски.