Барака во општина Петровец утринава целосно изгоре во пожар. Повредени нема, но без покрив на главата се останати неколку семејства.
Пожарот бил пријавен во Територијалната противпожарна бригада утринава во 08:30 часот, а целосно бил локализиран во 10 часот.
– Интервениравме со шест противпожарни возила и со 15 пожарникари. Дополнителна помош добивме и од ППТ единицата на рафинеријата „Окта“, изјави командантот на ТППЕ на Град Скопје, Владимир Симоновски.
Бараката била со доградени соби за живеење и според првичните информации причина за пожарот е електрична инсталација. На терен интервенирале и екипи на ЕВН кои морале да ја исклучат струјата.
