Во Полска пренесени двајца повредени во пожарот во Кочани

Од:

Во Полска попладнево беа пренесени двајца повредени во пожарот во Кочани, соопшти Делегацијата на ЕУ во земјава на својата Фејсбук страница.

-Амбасадата на Полска овозможи транспорт со воздушна амбуланта на двајца повредени во трагичниот пожар во Кочани. Пациентите ќе ја добијат потребната нега во Полскиот источен центар за третман на изгореници и реконструктивна хирургија, се наведува во објавата.

Претходно, чешкиот амбасадор во земјава Јарослав Лудва на социјалната мрежа „Х“ објави дека вчера пречекал медицински тим од Чешка да помогне на македонските лекари во лекување на повредените во пожарот во Кочани.

-Нивната брза реакција и експертиза ја одразуваат силната врска меѓу нашите народи. Нашите мисли остануваат со сите засегнати. Стоиме заедно во солидарност во овие тешки времиња, напиша Лудва во објавата.

Претходно, директорот на ФЗО Сашо Клековски изјави дека над 70 пациенти се успешно транспортирани надвор од земјава. Како што појасни тој, со оглед дека се исполнети капацитетите во соседството, од денеска пациенти ќе се испраќаат и во Италија, Холандија и Белгија. Лекарски тимови од Чешка и Израел им помагаат на нашите лекари, додека тим од Велика Британија денеска ќе пристигне во земјава за да помогне во подготвување на следната фаза – рехабилитација на повредените.

Би можело да ве интересира

Одбраната од денеска има увид во доказите за пожарот во „Пулс“, продолжува истрагата за полицајците

Катерина Ѓуровски

Повредените во „Пулс“: Ако си замине докторката Паниќ-Мирчоска ќе останеме без професионално лекување

Горан Наумовски

Левица поднесе кривична пријава за Мицкоски за истрагата за трагедијата во Кочани

За пожарот во „Пулс“ осомничен и сопственикот на објектот

Пуштена и последната пациентка од болницата во Солун, на лекување во Грција остануваат уште двајца повредени од трагедијата во Кочани

А1он

Родителите на загинатите во „Пулс“ даваат поединечни искази во Основното јавно обвинителство

Горан Наумовски