Конфедерацијата на синдикални организации (КСОМ), предводена од Гоце Делчев Тодев, за овој петок од 18 часот најави Граѓански синдикален марш, кој ќе тргне од „Чаирчанка“ и ќе заврши пред Регулаторната комисија за енергетика и Собранието.
„Цел на организирањето е со 10-20 возила и стотина граѓани, да се изрази негодување и револт за постапката и иницијатива за покачување на струјата. Движењето на возилата на учесниците кои ќе го поддржат овој настан е според најавената маршута,“ информираат од КСОМ.
За потсетување, протест против одлуката за поскапување на електричната енергија денеска најави и ВМРО-ДПМНЕ, кој е вториот во серијата тематски протести кои ги планира партијата.