Во опожарената куќа во село Отошница почина 65-годишник, оџакот можна причина за пожарот

Од:

Шеесет и петгодишен жител на Скопје, кој живеел во куќата во село Отошница, е починатиот во пожарот што настана во објектот рано утрово околу четири часот. Од Територијалната противпожарна единица од Ранковце информираат дека станува збор за куќа на приземје, со четири простории, од кои опожарена е само едната, каде најверојатно сопственикот спиел, а можна причина за пожарот е палење на оџакот.

Според информациите од Министерството за внатрешни работи, починатиот го пронашле пожарникарите кои го изгасиле пожарот.

– Во четири часот и десет минути, во Секторот за внатрешни работи Куманово било пријавено дека во село Отошница настанал пожар во куќа, сопственост на Т.М. од Скопје. Пожарот бил изгаснат од екипа на Територијалната противпожарна единица Ранковце, а во куќата бил пронајден починат сопственикот. Увид на местото извршила екипа од ОВР Крива Паланка и се работи на расчистување на случајот, информираше портпаролката на СВР Куманово, Ивана Младеновска.

Увидот на полицијата сѐ уште трае, а градоначалникот Борче Спасовски изрази жалење за немилиот настан и сочувство до фамилијата на починатиот.

Би можело да ве интересира

ВИДЕО: Структурни реформи во управувањето со кризи и нов Закон за пожарникарство најави Мицкоски

Катерина Ѓуровски

Пожар над манастирот во Матејче

Катерина Ѓуровски

Дождот што врне попладнево во општина Чашка ги гасне повеќедневните шумски пожари

Ангелов: Во ЦУК и ДЗС има превработеност на одредени позиции, а нема луѓе таму каде што треба

Катерина Ѓуровски

Активни седум пожари, повредени и неколку пожарникари, засега нема потреба од странска помош

Катерина Ѓуровски

Систем за справување со пожари не постои, потребна е итна реорганизација тврди Тошковски