Градинка во Свети Николе не згрижи 110 деца поради вработена со симптоми на Ковид-19

Од:

Децата од објектот Клон 1 во рамките на градинката „Рахилка Гонева“ во Свети Николе денеска не беа примени, бидејќи вработена во установата имала симптоми на Ковид-19. Градоначалникот Сашо Велковски вели дека се информирани родителите на децата. Инаку во овој објект денеска требаше да бидат згрижени 110 деца.

– Во овој објект поради појава на симптоми на КОВИД-19 на една од вработените во градинката која ги извршуваше подготвителните работи за прием на дечињата, а во согласност со Протоколот и алгоритамот од Министерството за труд и социјална политика за постапување, бевме принудени денеска да не ги отвориме вратите за прием на дечињата во Клон 1. Додека не добиеме официјални резултати од тестирањето на вработената и епидемиолошка слика за нејзините контакти, овој објект нема да го пуштиме во функција, вели Велковски.

Тој истакна дека од денеска во рамките на градинката ги отвориле вратите за дечињата од Клон 2, каде што биле пријавени вкупно 41, а утринава се донесени 26 деца, додека во село Лозово од пријавените 15, само девет се донесени од страна на родителите.

– Здравјето и заштитата на нашите најмили и на вработените ни е во прв план, особено во вакви чувствителни моменти, вели Велковски.

Би можело да ве интересира

27 починати и 1.861 новозаразен од Ковид 19

А1он

Шестмина добија кривични пријави бидејќи противзаконски доцртале кат на зграда во Свети Николе

А1он

Синдикатот бара второто полугодие да почне онлајн, со над 2.000 новозарзени дневно школите може бидат опасен кластер

Маја Илиевска-Пачемска

Второто полугодие ќе започне на 1 февруари со физичко присуство

А1он

Се намалува периодот на изолација или карантин на седум дена

А1он

19 починати и 2.019 новозаразени со Ковид-19

А1он