Со цел зголемување на безбедноста на сите учесници во сообраќајот, како на моторизираните граѓани, така и на пешаците, општина Неготино започна со обележување на хоризонталната сигнализација на повеќе локации во градот.
– Според однапред утврдената динамика, обележувањето се врши на двете главни улици во градот, „Маршал Тито“ и „Партизанска“, потоа на улиците „Борис Кидрич“ и „Фемо Кулаков“, пред училиштата и градинките, во централното градско подрачје и на други раскрсници, информираше портпаролот на општината, Методи Митрев.
Тој апелираше до моторизираните граѓани за внимателно возење и почитување на поставените знаци при обележувањето на хоризонталната сигнализација.