Поради изведување градежни работи во недела на дел од улицата „Трета македонска бригада“ ќе биде воведен привремен сообраќаен режим.
Како што соопшти Град Скопје прекинот во времетраење од 6 до 17 часот е поради изведување прекопи за поставување подземни инсталации на потегот од крстосницата со улицата „Васко Карангелевски“ до улицата „Никола Карев“.
На коловозот ќе биде поставена соодветна патна сигнализација.