Во последната акција спроведена од страна на надлежните од општина Куманово заловени се 15-тина кучиња скитници. Секторот за инспекциски надзор од општина Куманово информира дека од мај минатата година досега на подрачјето на општината заловени се 330 кучиња скитници.
Акциите се спроведуваат согласно распишаниот тендер на општината, која на годишно ниво за таа намена одвојува 700.000 денари .
– Акциите ќе се спроведуваат се додека не се потрошат предвидените средства. И за оваа година планирано е да се одвојат средства за заловување на кучињата скитници, вели комуналниот редар,Гордан Таневски.
Кучињата кои се заловуваат се носат во прифатлиште,сопственост на ветеринарно-сточарскиот центар „Тодор Велков“ во село Четирце, каде што се вакцинираат и по проценка на ветеринарите се пуштаат во реонот од каде што се заловени.
– Задоволни сме од спроведувањето на акциите.Годишно, на подрачјето на Куманово се заловуваат од 400 до 600 кучиња скитници, информира ветеринарниот лекар од ветеринарно-сточарскиот центар, Димитар Венев.
Најголем број кучиња скитници регистрирани се во приградските населби.