Во Куманово зголемен интересот за снабдување со огревно дрво

Од:

Расте интересот на граѓаните за снабдување со огревно дрво пред почетокот на грејната сезона, а пред се поради намалените цени на огревното дрво.

Од кумановската подружница на ЈП „Македонски Шуми“, информираат дека последниве неколку дена имаат зголемена побарувачка на огревно дрво.
-Располагаме со доволна количина дрва за да се задоволат потребите на граѓаните од општините Куманово, Липково и Старо Нагоричане, информира директорот на кумановската подружница Ваит Саити.

Новите цени на буковото огревно дрво со намалувањето од 10% изнесуваат 2.133,60 денари за метар просторен за физичките лица, додека за корисниците на социјална помош со 15 % попуст изнесуваат 2.015 денари за метар просторен. Надлежните од кумановската подружница информираат дека корисниците на социјална помош треба да достават потврда од надлежниот орган односно од Центарот за социјални работи.

Од кумановската подружница на ЈП „Македонски Шуми“ соопштуваат дека во тек е и потпишување на договори со основни синдикални организации на претпријатија кои пак на своите вработени им овозможуваат купување дрва на рати.

Би можело да ве интересира

Девојче било истепано на свадбена веселба во Куманово

Изгоре куќа во Куманово, нема повредени

Сообраќајка во Куманово, тешко е повреден пешак

Потребни ригорозни санкции за оние кои ги напуштаат милениците и исфрлаат легла апелираат ветеринарите

Куманово: Две пријави за напад на ученици и еден за наставник во два одвоени случаи

Градежна инспекторка од Куманово побарала поткуп од 4.000 евра