Во Куманово денеска ќе се одржи третата и последна трка во рамки на Проектот 2020 насловена Born 2 Run – градење на заедницата преку спорт, во организација на Компанија за интереси во заедницата од Велика Британија и локалната НВО „Центар за интеркултурен дијалог“ .
– Оваа трка има за цел да ги собере младите и заедно да се премостат етнички поделените заедници на овие три општини преку спортски настани, наведуваат организаторите.
Првите две етапи од овој проект беа трките одржани во Липково и Старо Нагоричане. Со трката во Куманово ќе се заокружи проектот.
На настанот ќе присуствуваат претставници на Мисијата на ОБСЕ во Скопје, градоначалници на општините, претставници од СВР Куманово, директори од здравствените домови од трите општини и други гости.
Награди и благодарници ќе им бидат доделени на најдобрите.
Проектот е поддржан од Мисијата на ОБСЕ во Скопје.