Мултимедијалниот центар „Карпино“ по повод празникот Водици ја организираше 11-та манифестација „Пивтијада“. Во населбата „Карпош“ вчера во казани се вареа пивтии кои денеска беа послужени пред околу 300 кумановци.
– Манифестацијата ја организираме за да ја зачуваме традицијата, за да не се заборават обичаите поврзани со Водици. Годинава за подготовка на пивтиите е употребено околу 70 килограми месо, изјави претседателот на центарот Зоран Павловски.
Денеска беа подготвени околу 350 чинии пивтии. Во натпреварот за најдобра пивтија учествуваа десетина натпреварувачи, а за најдобра беше прогласена пивтијата „Манастир Карпино“ што ја подготви Лила Божиновска. – Секоја година учествувам, а оваа првпат го освојувам првото место, изјави Божиновска.
Годинава беше избран и кум на прославата, Тони Трајковски, кој истакна дека манифестацијата е убава можност за славење на македонските обичаи.
„Карпино“ ќе подели дел од пивтиите на граѓански здруженија и на АРМ.