Општина Куманово денес по повод „Неделата на детето“ организираше прием на ученици од основните училишта од регионот. Здружението за грижа и воспитување на деца, како и секоја година традиционално во својата програма ја одбележува „Детската недела“.
-Посетата е со цел најмалите да видат каде, што и како работи градоначалникот. Здружението до секое училиште испрати писмо во кое даде насоки како да ги организираат своите активности, за да ја одбележат неделата-изјави претседателот на здружението, Виолета Стошевска.
За жал поради работните обврски градоначалникот, Зоран Дамјановски не беше присутен за да ги прими учениците, поради што секретарот на локалната самоуправа, Валентина Алексовска во негово име им го честиташе најважниот ден за нив.
Елена Георгиевска