Градоначалникот на општина Куманово Зоран Дамјановски денеска организираше прием за директорите на тринаесет основни училишта и им додели печатачи кои беа дел од петгодишната работа во рамки на унапредувањето на Меѓуетничката интеграција на образованието, поддржан од УСАИД.
– Куманово е најдобар пример како треба да се гради едно граѓанско општество и интеретничка толеранција. Затоа дадовме поддршка на проектот, во однос на логистиката, транспортот на учениците, родителите, професорите. Тука беа зафатени 13 партиципиенти, сите дел од проектот носители беа „Браќа Миладиновци“ и „Бајрам Шабани“ кои имаат најдолга традиција во однос на јазиците. На некој начин овие работилници придонесоа за зближување на учениците, за мултикултурализмот, обичаите,…, и тоа е целта на сите овие проекти подржани од меѓународната заедница, но имплементатори се локалните заедници, изјави градоначалникот Дамјановски.
Проектот се одвиваше во повеќе општини Бутел, Брвеница, Гостивар, Кичево, Куманово и Струмица, како и со Бирото за развој на образованието и Министерството за образование и наука кои беа нераскинлив дел од овој процес.
Како што информира директорката на „Браќа Миладиновци“ Марина Манојловска, проектот заврши пред една недела кога беше реализирана манифестацијата, а во дел на завршницата беше во оној дел кој го финансира УСАИД.
– Но, проектот продолжува, сега поддржан од Министерството за образование со инкорпорирани наставни планови и програми во делот на мултиетничко обраозование, бидејќи општината ни е таква. Сите тежнееме и сакаме да живееме во едно граѓанско општество кое нема да биде оптоварено со националност, вера и припадност, туку со нашите граѓански потреби. Тоа е она што во делот на мултиетничко обраозвание сме должни да им го објасниме на децата, да ги научиме да живеат во такво општество, изјави Манојловска.