Вкупно 95 лица со попреченост доставиле барање до ЈП „Куманово-Паркинг“ за повластено користење на паркинг простор за лицата со посебни потреби и инвалидитет, информираа денеска надлежните од Јавното претпријатие „Куманово-паркинг“.
Претпријатието и годинава обезбеди можност за бесплатно паркирање на лицата со инвалидитет, согласно одлуката за јавни паркиралишта и законските обврски.
– Корисниците само доставуваат барање до комисијата која е формирана од управниот одбор на претпријатието и која ги разгледа барањата и обновената документација на подносителие. Нема некоја значителна разлика во однос на бројот на доставени барања во однос на минатите години, изјави директорот на ЈП „Куманово-Паркинг“, Фадиљ Шабани.