На скијачките патеки кај месноста Кипрово во Крушево, денеска ќе почне единаесетиот куп на АРМ во Биатлон.
На ова натпреварување, покрај екипите на АРМ ќе учествува екипа на МВР од Крушево, екипа од Скијачката Федерација на Македонија и Олимпик ски од Крушево.
На програмата е натпреварот во патролно трчање на 10 км и трката на ветераните во оваа дисциплина.
Оваа спортска манифестација покрај афирмацијата на Биатлонот како војничка дисциплина која е прифатена и во АРМ, за цел има да го популаризира овој зимски спорт кај младите во Република Македонија, а покрај развивањето на натпреварувачкиот и спортскиот дух кај припадниците на АРМ, има исклучително важна улога во јакнењето на борбената готовност на Армијата.