Во Кочанско-виничкиот регион гласањето за предвремените парламентарни избори и за вториот круг за председателските е почнато на време во сите избирачки места.
Во општина Кочани правото на глас можат да го искорстат 32.697 граѓани за вториот круг од председателските избори и 32.550 граѓани за предвремените парламентарни избори на 63 избирачки места.
Во општина Виница ќе се гласа на 33 избирачки места. За претседател гласаат 16.868 граѓани, а 16.669 за парламентарните избори.
Во општина Зрновци се гласа на четири избирачки места. За претседател гласаат 2.616 граѓани и 2.584 за парламентарните избори.
Во општина Чешиново Облешево за председател ќе гласаат 5.781 граѓани, а за парламентарните избори 5.738 граѓани на 13 избирачки места.
Во општина Пробиштип се гласа на 46 избирачки места. За председател ќе гласаат 13.095 граѓани, а за парламентарните избори 13.053 граѓани.
Од изборните комисии потврдуваат дека изборниот материјал е доставен на време и оти гласањето се одвива без проблеми, во фер и демократска атмосфера.