На падините на планината Љубен над кичевското село Цер изутрината е пронајдена и со контролирана експлозија уништена артилериска минофрлачка граната од 125 милиметри, информираат од Дирекцијата за заштита и спасување.
Гранатата во раните утрински часови ја нашле вработени од Шумското стопанство Лопужник – Кичево. Тие го известиле подрачното одделение на Дирекцијата за заштита и спасување од Кичево, а пиротехничарот од подрачното одделение веднаш се упатил на самото место.
– Поради опасноста од експлозија при транспорт на пронајдената граната, таа е уништена со контролирана експлозија на самото место место. Со тоа е отстранета опасноста од последици од нејзино случајно активирање, соопшти Дирекцијата за заштита и спасување.