Со цел подигнувањето на свеста кај жените за искористување на своето право на глас денеска во Кичево се одржа дискусија каде што беа присутни жени од целата општина.
Ова е третта трибина во рамките на проектот „Твој глас-твое право“, откако на првите две средби беа запознаени жените од поранешните општини Осломеј и Зајас.
На денешната трибина пред присутните предавање одржа професорот по меѓународно право Беким Кадриу.
Предавање, исто така, одржа и претседателката на форумот на жени од Куманово Фердезе Сулејмани.
Координаторот на овај проект Вериме Зимбери Белули истакна дека со денешната трибина се заокружува целокупниот проект „Твој глас-твое право“, за кој смета дека ја постигнал целта, иако и во иднина ќе се трудат да организираат вакви средби за што поголема еманципација на жената.