Извидничкиот одред „Мирко Милески“ како дел од прославата по повод Светскиот ден на извидниците, 22. Февруари, денеска организираше акција за донирање крв во сорaботка со Црвениот Крст на град Кичево.
Преставникот на Извидничкиот одред, Благоја Секулоски рече дека ова е еден од многуте настани во рамки на акцијата „Направи добро дело”.
– Акцијата се состои од низа активности со кои сакаме да прикажеме дел од работата на извидниците и нашата заложба за остварување мисијата – да креираме подобар свет, потенцираше тој.
Во просторииите на Црвен Крст во Кичево денеска покрај извидниците крв даруваа и нивни пријатели како и жители на градот. Во акцијата собрани се 30 единици крв.