Во Кичево денеска во организација на Центарот за развој на заедницата и граѓанските асоцијации, се организираше форум во врска со реализацијата на буџетот на општина Кичево во периодот од јануари оваа година, па се до крајот на месец август.
– Ние како цивилно општество сме задоволни од динамиката и транспарентноста со која е реализиран општинскиот буџет, особено не радува фактот дека многу проекти што беа предложени како приоритетни од страна на граѓаните се земени предвид од страна на општината и се реализирани, се надеваме дека и во иднина соработката ќе продолжи во реализацијата на буџетот, изјави преставникот на ЦРЗ од Кичево Исмет Балажи.
За реализацијата на општинскиот буџет отчет даде раководителот на секторот за финансии при општина Кичево Бурим Кадриу, кој одговараше и на прашања на присутните граѓани.