На претстојните локални избори кои ќе се одржат на 24-ти март во Кичево кандидатури за градоначалници поднеле Благоја Деспотоски од коалицијата предводена од ВМРО-ДМПНЕ и Фатмир Дехари од ДУИ.
Како што информираат од секретарот на Општинската Изборна Комисија во Кичево, Бегзат Алиу за локалните избори се поднесени четири советнички листи и тоа советничката листа предводена од коалицијата на ВМРО-ДПМНЕ, на која носител е Ѓорѓија Сајкоски, потоа ДУИ со носител Ќамил Алиу, како и НДП со Шефки Јашари и ДПА со Хамит Садику.
Инаку, Деспотоски со својата кандидатура за градоначалник на Кичево ќе побара втор мандат како актуелен градоначалник на Кичево, додека пак Дехари е актуелен градоначалник на општина Осломеј.