Во Македонска Каменица успешно заврши акцијата за гаснење пожар кај местото викано „Барата“. Во акцијата како што информираше Малин Трајчевски, командир на ТППЕ од Македонска Каменица опожарена е сува трева, суви гранки и папрат.
– Нашите пожарникари само што се вратија од акцијата за гаснење на пожарот во село Саса. Пожарот избувнал во попладневните часови кај месноста Мршевелци кај местото викано „Барата“. Брзата реакција спречи ширење на огнената стихија која беше предизвикана од палење стрништа. Токму поради ова, уште еднаш апелираме да не се пали оган на отворено бидејки штетите можат да бидат ненадоместливи, истакна Трајчевски.
Освен во Македонска Каменица пожар се гаснеше и во беровско Двориште. Таму пожарникарите од Берово гаснеле нискостеблеста шума и сува трева.