Од отварањето на 89-те избирачки места во општина Гостивар, до 17 часот гласале 35.650 граѓани, што е приближно 47 проценти од вкупниот броја запишани избирачи, информираат од ОИК – Гостивар.
Според потпретседателката на ОИК, Оливера Јосифоска, за време на изборниот процес не се регистрирани нарушувања и нерегуларности.
Жителите од оваа полошка општина имаат можност да ја избираат новата локална власт и гласаат за седум листи за кандидати за советници и за петмина кандидати за градоначалници. Во избирачкиот список со право на глас запишани се 75.109 граѓани.