Општинските инспекциски служби во Гевгелија почнаа акција за отстранување на сите непрописно паркирани возила на улици, тротоари и јавни површини како и на оставени хаварисани возила од страна на несовесни сопственици, соопшти денеска службата за односи со јавност на општина Гевгелија.
Надлежната инспекциска служба на терен ги опоменува и предупредува сопствениците и возачите во разумен временски рок да ги препаркираат и отстранат возилата од јавните површини оти во спротивно согласно важечките законски прописи ќе почнат со изрекување казни.