Во Гевгелија денека започна акцијата за обновување на хоризонталната сигнализација на сите градски сообраќајници.
Акцијата прво почна со обнова на сигнализацијата на четирите кружни текови по што ќе следува обнова на хоризонталната сигнализација на улиците, пешачките патеки и паркинг местата, соопштија од општинската информативна служба.
Претходно беше извршена замена на оштетената вертикална сигнализација која ќе биде дополнета откако ќе пристигнат новонабавените сообраќајни знаци, а во текот на викендот заврши асфалтирањето и на дупките и нерамнините на улиците кои останаа како поледица на обилните врнежи.
Деновиве ќе биде направен повторен увид по кој ќе следи корекција на сите направени пропусти, доколку бидат констатирани.
