Во четврток Собранието ќе ја одржи последната 29 седница на која на дневен ред се пратенички прашања. Инаку ова ќе бидат вторите по ред пратенички прашања за Премиерот Зоран Заев и министрите во Владата.
Според законската процедура, пратеничките прашања се одржуваат секој последен четврток во месецот и од формирањето на владата единствено имаше минатиот месец, додека во септември и октомври тие не се реализираа поради активностите за локалните избори.
Се уште е неизвесно дали на седницата за пратенички прашања ќе се појават пратениците на опозициската ВМРО-ДПМНЕ кои веќе три недели поради притворот на шесте пратеници осомничени за настаните од 27 април, ја бојкоритаат работата на Собранието.
Иако, тие денеска го следеа говорот на претседателот Иванов, се уште во јавноста се немаат произнесено како ќе делуваат понатаму и дали ќе се вратат во собраниските клупи.
