Во Брисел средба Попоски-Венизелос

Од:

Перспективите за напредок во евроинтеграциите под тековното литванско и следното грчко претседавање со ЕУ, изгледите за динамизирање на дијалогот околу разликата за името, перцепциите за различната политичка приоритетност на спорот во двете земји и ефектите од должничката и економската криза на билатерално и регионално ниво се темите на кои денеска во Советот на Европската унија во Брисел разговарале министерот за надворешни работи Никола Попоски со грчкиот вицепремиер и министер за надворешни работи, Евангелос Венизелос.

Како што соопшти МНР, на оваа прва средба меѓу двајцата министри Попоски ги истакна заложбите за интензивирање на македонско-грчките односи, потребата од зголемена посветеност на политичко ниво на Атина и користа од отворен пристап и непречен проток за луѓето, бизнисите и идеите меѓу двете земји.

Воедно, шефот на македонската дипломатија, се додава, го истакна интересот за фокусиран дијалог на сите нивоа, особено на највисоко политичко ниво, за да се надмине единствената билатерална разлика.

Министерот за надворешни работи Попоски престојува во работна посета на Брисел, по повод 10. состанок на Советот за стабилизација и асоцијација меѓу Република Македонија и Европската унија.

Би можело да ве интересира

ВМРО-ДПМНЕ: Жерновски не избламира пред членка на ЕУ и никогаш не стана амбасадор, следбеник на Заев и ,,Бојко љубави” дипломатијата

Предраг Петровиќ

МНР: Во близина на Суботица во сообраќајка загина маж од Македонија, во несреќата тешко повреден е сопатник

Горан Наумовски

Мајка и три деца, македонски државјани, се евакуирани од Израел

Вкупно 22 македонски државјани побарале помош за напуштање на територија на Израел и враќање во земјава

Предраг Петровиќ

Апел на МНР: Не патувајте во Израел и Иран, не е безбедно

Горан Наумовски

Во МНР отворена Книга на жалост за загинатите во трагедијата во Кочани