Градоначалникот на Берово Звонко Пекевски од денеска ги започнува средбите со жителите на општината со цел вклучување на жителите во креирањето на буџетот на општината за 2018 година.
Како што истакна Пекевски, зедно со вработени во општинската администрација и советниците од Советот на општината се започнува со агенда за посета на месните заедници во општината, а вечерва прва средба ќе биде одржана во селото Ратево во просториите на основното училиште.
– Целта на средбите ќе биде да се слушне мислењето и проблемите со кои се соочуваат жителите во населените места, со што ќе се предвидат проекти во буџетот за 2018 година и ќе бидат реализирани во согласност со буџетските средства и програмите за работа, истакна Пекевски.