Од април скопјани ќе можат да пијат кафе на видиковецот на Порта Македонија. Веднаш по изборите, Министерството за култура ќе распише јавен оглас за избор на фирма која ќе ја претвори терасата во кафуле, пишува весникот Вест.
За тоа колкава ќе биде цената за закупување на просторот, од Министерството велат дека тоа зависи од понудите што ќе ги добијат на тендерот.
„Кога точно ќе се отвори кафулето, не можеме да кажеме. Веднаш по изборите, ќе ја почнеме постапката и се надеваме дека пролетва тоа ќе проработи. Сигурно е дека кон почетокот на април ќе биде отворена терасата за посетители. Цената на влезниците ќе остане иста – 30 денари”, велат од Министерството за култура.
Оттаму објаснуваа дека ќе има измени и во работното време на видиковецот, но тоа ќе се прецизира откако ќе биде избран закупецот на кафулето.