ВМРО-ДПМНЕ испрати писмено соопштение, реакција на реакцијата на СДС во врска со изјавата на Дарко Костовски.
„Во изминатите неполни три месеци СДС успеа да ги онеспособи државните институции и во целост да ги наполни со некомпетентни партиски послушници и да го стави во прашање нивното правилно функционирање.
Пред очите на граѓаните филозофијата на Курто Дудуш стана општа пракса. Државните институции во Македонија работат единствено за тесно партиските интереси на СДС и нивниот шеф Заев.
Животот дојде единствено за оние со членска од СДС, а останатите граѓани се запоставени, игнорирани, а непрофесионалниот однос од институциите кои тие ги плаќаат им е секојдневие.
За само три месеци на дело се покажа неспособноста на владата која произлегува од поставувањето на партиски војници на место на професионалци на чело на државните институции.
Вака обезглавените институции не успеаја да се справат со ниту една кризна ситуација во изминатите месеци, почнувајќи од еколошките катастрофи до шумските пожари како и целосното разорување на македонската економија која во времето на ВМРО-ДПМНЕ се движеше само во нагорна линија.
Граѓаните видоа како СДС работи кога ќе ја добие власта на централно ниво, а граѓаните на малкуте општини под контрола на СДС знаат како катастрофално функционираат градоначалниците на локално ниво. СДС е во паника поради ужасниот пораз кој ги очекува на локалните избори на 15-ти октомври кој целосно ќе ја делегитимира оваа неспособна власт“ се вели во реакцијата на ВМРО-ДПМНЕ.