ВМРО-ДПМНЕ реагира на изјавата на премиерот Зоран Заев.
„Зоран Заев избра коалиција со криминалот, наместени тендери и корупција. Зоран Заев ја злоупотребува функцијата премиер, за да лаже во име на Република Македонија.
Економијата повеќе од една година тоне. Во Република Македонија нема одржлив развој и економски раст, нема обезбедени работни места, социјален прогрес, заштитена животна средина.
Во Република Македонија владее криминал и корупцијата преку обезбедена заштита од репресираното судство. Врвот на таа корупција е во владата, кај премиерот и неговиот клан. Во Република Македонија нема демократија, нема еднаквост, нема владеење на правото. И токму затоа Република Македонија, и покрај личниот капитулантски договор на Зоран Заев, не доби датум за отпочнување преговори.
Зоран Заев е човекот кој прифати промена на Уставот, јазикот и идентитетот.
Бесрамното лажење на Зоран Заев не застанува тука. Повторно и денеска вели дека „Знаеле како“ до Европа.
Зоран Заев и неговата свита единствено што знаат е да ги распродадат националните и државни интереси претставувајќи ги како единствен спас за Македонија и Македонците.
Граѓаните видоа дека Зоран Заев лаже. Граѓаните не му веруваат на Заев. Заев. Заев мора да си замине за Македонија да победи“ се вели во реакцијата на ВМРО-ДПМНЕ.