„Извештаите за кои што СДСМ говори ги содржат предизвиците кои што се наведени и за сите останати држави во регионот и тие се стандардни карактеристики што редовно Стејт Департментот секоја година ги истакнува во однос на Југоисточна Европа“, се вели во писмената реакција на ВМРО-ДПМНЕ на изјавата на Гордан Георгиев.
„Само пред четири дена, НАТО истакна дека Македонија ги има исполнето сите услови и критериуми за членство во Алијансата што значи дека ги има исполнето стандардите што се бараат и со чие исполнување се дава позитивна оценка за демократијата на земјата. А во времето кога СДСМ беше на власт тие беа уште подраматични, уште потензични и уште поштетни за Република Македонија, како во поглед на квалификациите, така и во поглед на обемот на забелешки”, стои во реакцијата на ВМРО-ДПМНЕ на прес конференцијата, на која опозициската СДСМ, изјави дека Македонија според Стејт Департментот и Амнести интернешнл бележи назадување во повеќе сфери.