„СДСМ за 10 месеци од Македонија направи киднапирана и заробена држава, во која владеењето на правото е само мисловен поим, а Уставот и законите на државата мртво слово на хартија.
СДСМ и Зоран Заев долго ќе го носат срамот од фактот дека на 14 март ја погазија демократијата, законите и Устав на Република Македонија. Ги ставија партиските пред државните интереси. Заев и СДСМ се главните и одговорни виновници за носењето на неуставниот закон за двојазичност. Тоа граѓаните јасно го видоа.
Насилното носење на законот за двојазичност ги прекрши деловничките, законските и уставните процедури.
СДСМ ги прекрши Законот за Собранието, Деловникот на Собранието и Уставот на Република Македонија.
Овој закон е штетен, неприменлив и неуставен. ВМРО-ДПМНЕ не го признава овој закон и никогаш нема да го признае, бидејќи носи нови поделби и конфликти во општеството.
Овој закон е само продолжение на штетените политики на СДСМ, како штетните договори , недржавничкото дејствување, расипничкото задолжување, економската стагнација и падот на градежништвото.
Наместо плати од 500 евра, 600 километри нови автопати, економски бум, раст на пензиите и социјалната помош, граѓаните се сведоци на општа катастрофа, која државата ја носи кон сиромаштија“ се вели во соопштението на ВМРО-ДПМНЕ.