ВМРО-ДПМНЕ испрати писмено соопштение во врска со реакцијата на СДСМ на прес-конференцијата на Влатко Ѓорчев.
„Самиот факт што СДС се обидува на брзоплет и неумесен начин да протурка амнестија на лица сторители на тешки дела, говори дека СДС има намера да креира дополнителен хаос во државата. Со ова сериозно ќе биде загрозен редот и мирот по градовите, по улиците и ќе биде доведен во прашање животот, безбедноста и имотите на граѓаните.
Ова се покажува дека во Македонија почнува да се инсталира политичко криминална коалиција во која на подземјето ќе му се удоволува со цел да одработи што е можно повеќе за партијата СДС. Овој принцип на СДС кој и досега го гледавме низ државата, кај што функционери на СДС се сликаа и договараа со припадници на подземјето сега треба само да се интензивира.
Одговорност за ваквата неодговорност на СДС ќе има. Граѓаните ќе го казнат обидот на СДС да инсталира каубојство и башибозлук во Македонија од кој директна штета ќе има народот. Граѓаните ова ќе го направат на 15-ти октомври кога ќе застанат на патот на дерогирањето на институциите и уништувањето на државата кое го прави СДС“ се вели во соопштението на ВМРО-ДПМНЕ.