ВМРО-ДПМНЕ реагира на најавената соработка на ДПА на Мендух Тачи со опозицискиот фронт.
„Со оглед на тоа што се си кажале меѓу себе Мендух Тачи и Бранко Црвенковски, а врз база на принципот за коалиција со Љубчо Георгиевски слободно можеме да констатираме дека ова е коалицијата во која што апсолутно не важат кажаните зборови. Оттука сосема природно и очекувано луѓето кој што меѓу себе се навредуваа, се напаѓаа, се омаловажуваа денес тие стануваат најдобри соработници.
Тоа е така заради тоа што тие споделуваат исти вредности и ист морал, за нив во политиката нема принцип, нема правила, нема достоинство и не важи кажаниот збор.
Заради нивното потценувачко однесување кон граѓаните повеќе од сигурни сме дека ќе бидат казнети и убедливо ќе ги изгубат наредните избори“, пишува во соопштението од ВМРО-ДПМНЕ.
