„Стратум Рид е истата компанија која во неколку наврати добива пари од скандалозните исплати на Фондот за иновации. Сега истата компанија која доби пари од власта, пред избори мести анкети за СДСМ. Анкетата е лажна и за политичка употреба пред самите избори, што најдобро ја отсликува нервозата во СДСМ и поразот кој им следи“, реагира ВМРО-ДПМНЕ на анкетата на Стратум.
„Компанијата која е соработничка на владата сега е соработничка и на СДСМ. Веројатно самите анкети се правени на компјутерот во седиштето на СДСМ, а не врз основа на научен и репрезентативен примерок.
За сето ова говори и фактот што управителката на Стратум Весна Кузмановиќ е соработник и со Зоран Заев, што го потврдуваат и фотографиите кои во прилог ги испраќаме. Уште еден доказ дека СДСМ е најлошото државата“, се наведува во реакцијата на ВМРО-ДПМНЕ.