Васко Василевски од ВМРО-ДПМНЕ денеска во изјава во медиумите рече дека изминативе денови имало масовни инспекциски контроли без суштина, каде што на мета биле сите угостителски локали на територијата на општина Аеродром.
– Два култни локала во Аеродром, „Палма“ и „Тренд“ се веќе затворени од инспекциите, а во останатите угостителски локали инспекциите продолжуваат со тортурата. За жал реалниот впечаток и вистинската причина е всушност дека се работи за класични политички притисоци од страна на новата власт на СДС кон сопствениците на угостителските објекти. Реалната причина за затворањето на локалите е тоа што на шеќерчињата кои ги служеле го има логото на општината Аеродром, рече Василевски.
Според него, основна причина за инепекциите било тоа што СДСМ биле исплашени дека ја немаат поддршката во Аеродром и биле исплашени за успехот на општината.
– Се лажете доколку мислите дека преку закани и притисоци ќе си го кренете рејтингот. Ова што СДС го прави во Аеродром е класична политичка злоупотреба на институциите. Со политичките притисоци преку полугите на власта, односно партиско-политичките инспекции, нема да ги исплашите граѓаните и бизнис секторот и со ова само им потврдувате на граѓаните кој е вашиот начин на владеење, рече Василевски.