„Денешната прес конференција на Гордан Георгиев е доказ за тоталитарниот ум кој што сеуште владее во СДСМ, кој се сведува на тоа, секој кој што во оваа држава има различен став од оној на Бранко Црвенковски и е спремен да го каже, за СДСМ е или партиски војник или платеник“.
Вака реагираат од ВМРО-ДПМНЕ на прес конференцијата на Гордан Георгиев и според партијата на власт, тој „треба да биде свесен дека на Бранко Црвенковски во оваа држава му веруваат само 8% од граѓаните и заради ваквите нивни ставови сите други граѓани се навредени“.
„СДСМ не може и не смее да им забранува на луѓето да го кажуваат својот став само затоа што тој поразличен од оној на Бранко Црвенковски.
Г-дине Гордан Георгиев, во СДСМ можете да ги замолчувате луѓето, можете и со сила да ги довлечкувате на прес конференција да го лажат членството дека се е како подмачкано, меѓутоа граѓаните ќе си го кажуваат тоа што го мислат.
Со денешната прес конференција Гордан Горгиев призна дека сите оние фотографии кои говореа дека партиски членови на СДСМ се во раководството на АМАН, се вистина и дека СДСМ како партија ја организирале и злоупотребиле оваа граѓанска иницијатива“, пишуваат од ВМРО-ДПМНЕ.