СДСМ и Јани Макрадули се плашат од проектите и мерките кои секојдневно ги реализира ВМРО-ДПМНЕ, а кои наидуваат на поддршка од граѓаните, се наведува во реакцијата на владејачката партија на изјавата на Јани Макрадули од СДСМ.
Сите проекти на единиците на локалната самоуправа и на Владата, кои се реализират се редовни активности, кои се во согласност со програмите и буџетите на Република Македонија или единиците на локалната самоуправа. Сите овие проекти и мерки се изгласани или од Собранието на Република Македонија, или од страна на Советите на општините, се наведува во соопштението од ВМРО-ДПМНЕ.
– Не станува збор за никакви вонредни, туку се работи за редовни активности кои се случуваа и пред една недела, и пред еден месец и пред една година. ВМРО-ДПМНЕ и понатаму ќе продолжи да гради и реализира проекти и мерки кои се во интерес на граѓаните, како изградба на нови училишта, амбуланти, болници, пензионерски домови, катни гаражи, како и изградба и реконструкции на улици и патишта, а Јани Макрадули и понатаму ќе продолжи да плука по се она што се гради, се наведува во текстот.