ВМРО-ДПМНЕ реагира на соопштенето на СДСМ кое што се однесуваше на прес-конференцијата на Орце Ѓорѓиевски.
„Откако СДСМ ја понижи Македонија на политички и економски план сега истото го прави и на безбедносен план. Фактот дека МВР молчи за политичките чистки во специјалните единици, а во нивно име одговора СДСМ доволно говори за мотивите за незаконските смени и прераспоредувања.
СДСМ целосно го партизира министерството и полицијата ја става на располагање на Заев и криминалниот картел во власта, кој веќе една година се во коалиција со подземјето.
Затоа убиецот на Мартин Јанушев уште е на слобода. Затоа нема ниту една поголема заплена на дрога. Затоа се палат автомобили се рекетираат бизнисмени и угостителски објекти, се ограбуваат и напаѓаат граѓани, а сторителите остануваат неказнети. Пајаци напаѓаат полициски службенички, а се покажува сила врз граѓани кои демонстираат пред собранието и врз млади кои се забавуваат во локалите во Скопје.
СДСМ мора да понесе одговорност за хаосот во безбедносните структури. Македонија ќе победи“ се вели во реакцијата на ВМРО-ДПМНЕ.