СДСМ цели 15 години додека беше на власт не направи ништо за Богданци, наведува ВМРО-ДПМНЕ во реакција на денешната прес-конференција на Ана Павловска Данева.
„Владата на ВМРО-ДПМНЕ покрај поддршката на земјоделието, изгради, го прошири и асфалтира локалниот пат Богданци-Стојаково, изградена е училишна спортска сала во „Богданци“, изграден е рекреативен туристички комплекс на браната Паљурци, изградена е спортска сала со капацитет од 500 седишта во населено место Стојаково“, се наведува во писмената реакција.
Во неа се додава дека СДСМ губи контакт со реалноста. – Функционерите на СДСМ веќе втор ден се сликаат пред камерите заедно со своето членство, а уште не дадоа одговор зошто граѓаните во Богданци градоначалниците на СДСМ единствено ги паметат по криминал.
Во реакцијата во однос на критиките упатени за земјоделските субвенции од ВМРО-ДПМНЕ прашуваат СДСМ да одговори зошто 15 одини додека беа на власт не даваа субвенции на луѓето и дали денешната изјава на Данева значи дека планираат да се вратат на тоа.
„Бранко Црвенковски ништо добро не направи за Општина Богданци. Тоа го знаат жителите на оваа општина и затоа не му веруваат. Зборот на Црвенковски и СДСМ не тежи ништо“, стои во реакцијата на ВМРО-ДПМНЕ.