Проектот за изградба на училиште во населбата Хром е предвиден во програмата на Сокол Митревски, која е веќе излезена и промовирана, се вели во реакцијата на ВМРО-ДПМНЕ на денешната изјава на Александар Наумовски, кандидат за градоначалник од „Созјузот на иднината“.
Според соопштението, кандидатот за градоначалник од ВМРО-ДПМНЕ и коалицијата „За подобра Македонија“, Митревски во програмата имал рок за реализација до декември 2013 година.
– Во досегашното работење актуелниот градоначалник Сокол Митревски има решено голем дел од инфраструктурните и комунални проблеми на општина Ѓорче Петров, стои во реакцијата.
Актуелниот градоначалник Митревски, како што е наведено, во изминатиот период ги реновирал основните училишта и детските градинки, изградени се два кружни тека, кои значително го растеретија сообраќајот во оваа општина, како и асфалтирање на голем број улици и реновирани тротоарите.