ВМРО-ДПМНЕ со нов предлог кој го соопшти вицепремиерот Зоран Ставрески – опозицијата да добие можност уште една недела за да поднесе листи со кандидати, но изборите би останале на 24. март.
Ова се предлозите кои ги соопшти Стaврески:
– утврдување на нов рок за доставување на листите до 3-ти март. Во овој рок сите партии да ги достават листите за локалните избори.
– Ако СДСМ прифати, Собранието на итна седница ќе ги вметне измените во Изборниот закононик.
– ВМРО-ДПМНЕ предлага формирање на комисија за случувањата од 24-ти декември. За нас е прифатлив предлогот на претседателот Иванов, рече Ставрески.
– Високи резултати би имало ако се врати пратеничката група на СДСМ во Собрание за да ги усвоиме потребните законски измени. Со овој предлог на СДСМ му се овозможува да учествува на изборите, со една недела повеќе за доставување на листите. Ова партијата го бараше, сега таа можност ја има. Доколу и ова се одбие, очигледна е идејата на СДСМ да продолжи да создава проблеми, а не да помогне за евроатланската иднина на Македонија, заклучи Ставрески.
Ставрески вo предлозите не спомна ништо за промена на изборниот законик според предлозите на ОБСЕ и ОДИХР кои гарантираат фер и демократски избори.
-Имајќи во предвид дека СДСМ бараше одложување на изборите со цел да има време да ги состави листите на кандидати за советници и градоначалници, со овој предлог на СДСМ му се овозможува цела една недела да го направи истото и да учествува на изборите без притоа да има потреба од одложување на изборите, што за ВМРО-ДПМНЕ е непотребно и неприфатливо. Ако е потребна една недела за подготовка на листите, СДСМ со овој предлог ја има, рече Ставрески.