Цените на енргенсите, на нафта и на струјата, не зависат од Владата или од домашните услови во економијата, туку од ценовните движења на светските берзи, одговара ВМРО-ДПМНЕ на реакцијата на социјалдемократите, кои сметаат дека поскапувањата се резултат на погрешната владина политика.
Нека посочи Георгиев во која држава во Европа не се покачуваат и менуваат цените на енергенсите, а особено нафтата. Очекуваме некој од СДСМ конечно да собере храброст и да ги праша Бранко Црвенковски, Радмила Шекеринска, Никола Поповски зошто го продадоа ЕСМ на ЕВН? Зошто дозволија монополот од рацете на државата да отиде во приватна компанија и и ја одземаа можноста на државата да има глас во одредувањето на цените – велат од владејачката партија.
ВМРО-ДПМНЕ го праша Георгиев зошто денеска во Кавадарци одбегнал да зборува за субвенциите во земјоделството што ги обезбедува Владата, особено, како што нагласи, откако стана јасно дека и неговиот татко е корисник на тие субвенции.