ВМРО-ДПМНЕ испрати соопштение како реакција на соопштението на СДСМ, кое се однесуваше на прес-конференцијата на Димче Арсовски, портпарол на ВМРО-ДПМНЕ.
„Ниту едно безлично соопштение на СДСМ нема да го покрие фактот дека Заев и Димитров го потпишаа најсрамниот и најкапитулантски договор за Македонија, каде што самите се откажаа од името, идентитетот, нацијата и македонското малцинство.
Зоран Заев откако ја понижи Република Македонија на меѓународен план сега сака тоа да го направи и на домашен план со грубо кршење на законите и Уставот на Република Македонија.
СДСМ не смее да си поигрува со Законите и Уставот на Република Македонија кои се гарантори за редот и поредокот на правната држава.
Објавувањето на законот за јазиците и Договорот со Грција во Службен Весник без потпис на претседателот на државата од страна на Талат Џафери и Мартин Костовски е кривично дело кое не застарува и за кое се оди во затвор.
Одговорност за овие постаки мора да има.
Поради катастрофата што ја приредија со „патлиџан дипломатијата“ сите оние кои учестуваа во процесите поврзани со евро-атлантските интегративни процеси веднаш да си поднесат оставка од морални причини.
Македонскиот народ и македонската држава не заслужуваат Влада како СДСМ. Оваа Влада мора да падне. Македонија заслужува подобро“ се вели во соопштението на ВМРО-ДПМНЕ.