ВМРО-ДПМНЕ: Неспособноста на Заев и Филипче стана меѓународен здравствен проблем

Од:

ВМРО-ДПМНЕ во соопштение ги обвини лидерот на СДСМ Зоран Заев и министерот за здравство Венко Филипче за лошо справување со епидемијата на коронавирусот. Еве го соопштението од партијата во целост:

„Неспособноста и неодговорноста на власта на Заев и Филипче не е само македонски проблем, туку и меѓународна здравствена опасност. оследниот скандал со патниците кои од Македонија пристигнале на аеродромот во Финска и од кои 24 биле заразени со корона вирус, ја дискредитира Македонија како држава. Ова покажува дека не само што сме европски Вухан, туку поради неодговорноста на властите ги доведуваме во опасност и другите држави во Европа.

Очигледно дека властите немаат никаква контрола врз епидемијата. Никој не знае ни кој влегува, ни кој транзитира, ни кој излегува од земјата и дали тој е носител на опасниот вирус. Македонија за жал во епидемијата е црн рекордер во регионот по смртност и заразеност на еден милион жители. Нема никаква одговорност ниту за последниот
скандал со заразените патници кои пристигнаа во Финска исто како што нема никаква одговорност ниту за кластерот во Геријатрија Скопје, кластер меѓу најранливата категорија на граѓани.

Заев и СДСМ не ги интересира здравјето на граѓаните и угледот на државата. Нив ги интересира само фотелјата и бизнисите да си врват. СДСМ, Заев, Филипче не направи ништо за здравјето на граѓаните во текот на шесте месеци откога е започната епидемијата со корона вирусот. Победата прогласена од владата на СДСМ врз корона вирусот е лажна и постои само во главите на Заев и Филипче,“ велат од ВМРО-ДПМНЕ.

Би можело да ве интересира

Ѓорѓија Сајкоски е нов генерален секретар на ВМРО-ДПМНЕ

Жарко Настоски

ВМРО-ДПМНЕ: Јанкулоска е жртва на политичка пресметка и нарачка на мафијашот Заев со опозицијата

Жарко Настоски

Мицкоски: Новиот пакет мерки нема донесе ништо добро, туку дополнително ќе ја продлабочи кризата

А1он

(ВИДЕО) ВМРО-ДПМНЕ: Советник од Град Скопје и бизнис партнер на Макрадули добил тендер од 200.000 евра

А1он

(ВИДЕО) ВМРО-ДПМНЕ: Русковска нема основа за тужба против партијата

Жарко Настоски

Мицевски: Заев јавно се заканува на опозициски пратеници

Жарко Настоски