Кавадарци е градот кој убедливо најсилно го почувствува штетното владеење на СДСМ, рече на денешната прес-конференција Горица Пеливанова, претседател на ОК на ВМРО-ДПМНЕ-Кавадарци.
Бранко Црвенковски наместо на однапред договорени монтирани средби со партиското членство, нека се сретне со обичниот народ, оној кој остана без работа, без ниту еден денар субвенции, без егзистенција и достоинство. Ним нека им каже да кренат глас за пак СДСМ да се врати на власт.
Бранко Црвенковски треба да го објасни распадот и разграбувањето на винарската визба Тиквеш, Бранко Црвенковски треба да се сретне со седумстотини луѓе кои останаа без работа од фабриката Страшо Пинџур која се затвори во негово време. Ликвидацијата и разграбувањето на фирмата Тиквеш транс, како и стечајот на фабриката Таска, фабриката Дафинка-фирми затворени во време на СДСМ и Бранко Црвенковски.
Да ги посети 500-те кавадарчани кои останаа без егзистенција од фабриката Пелагонија 5-то градилиште, да објасни за затворањето на МИК каде без работа останаа 1000 вработени, Мепос каде останаа без работа 120 кавадарчани.
Недомаќинското работење на кадрите од СДСМ доведоа до огромни загуби на јавните претпријатија Комуналец и водостопанство Тиквешко поле каде директор беше актуелниот пратеник Борче Ставров.
Непроценлива е штетата која ја направи СДСМ во Кавадарци. Земјоделците во Кавадарци денар пара не добиваа од државата, грозјето буквално се расфрлаше по нивите. Сето ова Кавадарци не го заборава и токму затоа кавадарчани ќе го казнат СДСМ.