ВИДЕО: ВМРО-ДПМНЕ најави амандмани за Законот за јазици од неуставен да стане уставен

Од:

ВМРО-ДПМНЕ ќе поднесе амандмани за измени на Законот за јазици, согласно забелешките на Венецијанската комисија. Лидерот Христијан Мицкоски побара предлозите да бидат прифатени од власта и албанските партии.

“ВМРО-ДПМНЕ ќе поднесе амандман за Законот за јазиците, заедно со забелешките од Венецијанската комисија, за еден неуставен закон да стане уставен. Очекуваме поддршка од Заев. Нека ги прифати амандманите за законот да биде применлив, уставен и недискриминирачки кон другите заедници”, смета Мицкоски.

Забелешките на Венецијанската комисија мора да се почитуваат доколку како држава се залагаме да сме дел од ЕУ, додава Мицкоски, потенцирајќи дека содржината на амандманите ќе биде објавена веднаш штом бидат поднесени.

“Доколку сакаме владеење на правото, а не да правиме компромиси со уставот за сметка на политиканството, тогаш сите политички партии треба да ги поддржат амандманите кои ќе ги поднесеме. Ако сакаме да бидеме дел од ЕУ, тогаш треба сега да го покажеме тоа”, додаде Мицкоски.

Целта на амандманите кои ВМРО-ДПМНЕ ќе ги поднесе е и законот да стане уставен, кажа нивниот лидер.

„Не можеме да бидеме со двојни стандарди пред граѓаните. Ајде да направиме и да ги поддржиме овие амандмани. Да го направиме овој закон согласно Уставот и забелешките од Венецијанската комисија”, рече Мицкоски.

Би можело да ве интересира

ВМРО-ДПМНЕ денеска ќе ги потврди листите за пратеници

Катерина Ѓуровски

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Николова: Платформа од минатиот век се новите лажни ветувања на ДПМНЕ по примерот на Скопје

ВИДЕО: Време е за 90 пратеници и една изборна единца порача Мицкоски во промоцијата на изборната програма

Катерина Ѓуровски

Членство во ЕУ и продолжување на стратешкото партенство со САД – изборна програма на ВМРО-ДПМНЕ

ВМРО-ДПМНЕ ќе ја презентира програмата за парламентарните избори 2024