Комплетно осветлување, реновирање на повеќе дуќани за стари занаети и отворениот Музеј на стари занаети се само дел од мерките на Град Скопје за ревитализација и заживување на Старата скопска чаршија.
Ова се наведува во денешната рекација на ВМРО-ДПМНЕ на изјавата на кандидатот за градоначалник на Град Скопје на коалицијата „Сојуз за иднината“ Јани Макрадули.
Во Старата скопска чаршија, како што е посочено, се одржуваат бројни манифестации кои драстично ја зголемуваат нејзината посетеност и им овозможуваат на граѓаните голем број на забавни, културни, музички и многи други содржини.
Сите овие проекти и содржини, денеска Старта скопска чаршија ја вратија на листата на најпосетени места во Град Скопје, како од домашните така и од странските туристи. Во минатите 10-тина години зад Коце Трајановски стојат реални и видливи дела, за жал, зад Јани Макрадули стојат само празни зборови, се вели во соопштението од Центарот за комуникации на ВМРО-ДПМНЕ.